 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Zara šmatkropje z suchara
Zimie nia kryšyć na spadnicu,
A ŭ dym zakručvaje zara
Jadłoviec z pacham palandvicy.
Abłiskavičany nažom,
Nia cierpić stoł pakutnaj pustki.
I lezie prahna na ražon
Hurok, prykmietna, što raspuśnik
Nia ŭzmach sihnalnaha ściažka
Dla bulby vyznačyŭ napramak:
Hastryłi voka spadciška
Na bulbu ŭ korabie i kramie.
A toj niahoža narakać:
Maŭlaŭ hibieju... nacnabytak...
Bo nosić bulbu na rukach
Čyhun pad nakryŭku nabity.
U bulbie vyviedałi tołk
Nutrom tryvuščy ź niepituščym.
Dy chto jaje naščent zatoŭk?
Taŭkač, raspuščany na tłuščy!
Zaćmiać kiłbasy blask kalos
U apramieńni ŭłasnym blaskam.
Nie apanurycca na znos
Šana kalosam i kiłbasam!
Na łuhavinie rušnika
I baćka-bochan, syn-akrajec
Zdalok vinu paražniaka
Štrafnoju mieraj pakarajuć.
Kadyk, zadziorty dahary,
Šukaje zhublenaje miejsca,
Pakul impet nie daharyć,
Šalony ŭ zvyčai i źmieście.
I raspanieły ahłajed,
I ciućka ŭ spadčynnym kanfuzie
Nia smokčuć łapu ŭ miasajed,
A viełič čuchajuć na puzie!
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
